L’idea è uschè simpla sco fascinanta. Aifer exact 72 uras realiseschan 30‘000 uffants, giuvens e giuvnas en l’entira Svizra projects. Quai po per exempel esser, construir ina halfpipe, renaturalisar in aual u inscenar in teater en ina chasa d’uffants. Quai succeda adina en lavur cumina e persistenta.

Cun il cumenzament da l’Acziun 72 uras cumenza era gist la cursa cunter il temp. Las participantas ed ils participants duain gudagnar quella cursa senza daners, dentant cun bler fantasia. Il pensum che las participantas ed ils participants han da realisar vegn communitgà pir al cumenzament da l’acziun. La realisaziun da questa idea pratica e sturna daventa durant las 72 uras in’aventura che vegn accumpagnada durant l’entir temp dals radios da la SRG SSR idée suisse.

L’acziun 72 uras è in project da la Federaziun svizra da las uniuns da giuventetgna e sias organisaziuns commembras. Il project sa drizza a tut las giuvnas e giuvens da l’entira Svizra. Giuvnas e giuvens che vulan metter la Svizra sin il chau.

Sa participar munta: gughegiar insatge nov e cuntanscher insatge nunspetgà.