En il comité 72 che sustegn l’Acziun 72 uras èn persunalitads da la politica, da la societad civila, da la cultura e dal sport

Las commembras ed ils commembers:


“Creativ, solidar e cun forzas unidas – uschia sa mussa la Svizra durant l’Acziun 72 uras! In grondius project, che jau sustegn gugent ed ord persvasiun.”
Pascale Bruderer, Nationalratspräsidentin 2010

“Voluntari a favur d’auters: jau sustegn l’Acziun 72 uras.”
Isabelle Chassot, Staatsrätin Kanton Freiburg, Präsidentin Schweizerische Konferenz der kantonalen Erziehungsdirektoren

"Jau sustegn l’Acziun 72 uras 2010, perquai ch’igl è admirabel, impurtant, creativ, legher, social ed uman cura ch’uffants fan insatge positiv e constructiv per auters."
Dimitri, clown

„Gia davent dal cumenzament er jau intgantada da l’Acziun72 uras e sia realisaziun. Sco presidenta da l’Associaziun svizra d’util public, che s’occupa dapi prest 200 onns cun la lavur voluntara en Svizra, sun jau engraziaivla a la FSUG, ch’ella pussibilitescha cun quell’acziun a la giuventetgna in sguard concret en la lavur voluntara. Jau sun persvasa, ch’in engaschament voluntari è per tut las participantas ed ils participants ina experientscha positiva e che quellas e quels ch’astgan far quell’experientscha vegnan era en il futur a s’interessar per ils basegns da la societad civila. La lavur voluntara è la basa per ina societad che funcziuna.”
Annemarie Huber-Hotz, Präsidentin Schweizerische Gemeinnützige Gesellschaft, alt Bundeskanzlerin

“Nossa giuventetgna è buna! Ella ha ideas, s’engascha endinà per quellas e realiseschan ellas cun cumplain engaschi. L’Acziun 72 uras 2010 porscha a passa 20’000 uffants, giuvnas e giuvens la pussaivladad da mussar quai a la publicitad. Tgi che vegn da realisar aifer uschè curt temp in project per l’util public è era pront per autras sfidas. Perquai sustegn jau l’Acziun 72 uras e giavischa als uffants, giuvnas e giuvens gia oz bler spass.”
Doris Leuthard, Bundesrätin, Vorsteherin Eidg. Volkswirtschaftsdepartement, Bundespräsidentin 2010

“L’Uniun sindicala da la Svizra sustegn l’Acziun 72 uras
- perquai ch’ella mussa, che la giuventetgna è motivada, creativa e solidaria
- perquai ch’ella mussa, che la giuventetgna è pronta da s’engaschar per la publicitad
- perquai ch’ella mussa, che la giuventetgna è pronta da surpigliar responsabladad
- perquai ch’ella mussa, quant impurtant che temp liber è
- perquai ch’ella mussa, ch’i è sa pajà da s’engaschar per in congedi da giuvenils!” - Paul Rechsteiner, Nationalrat, Präsident Schweizerischer Gewerkschaftsbund

“Jau sustegn l’Acziun 72 uras 2010, perquai che l’agir per l’utilitad publica en Svizra dovra sustegn ed ha era merità quel. Senza ils multifars engaschis per la lavur per l’utilitad publica na pudessan bleras uniuns betg exister, la convivenza en il stadi fiss difficila.”
Dr. Rudolf Stämpfli, Präsident Schweizerischer Arbeitgeberverband

Cuntinuadamain vegni a dar ulteriuras commembers ed ulteriurs commembers...